Walang katapusang taguan
Hindi matapos na habulan
Pagal na ang aking katawan
Bumibigay na ang aking isipan
Ikaw ba ay walang kapaguran
Dahil ako unti unti ng sumusuko
Paulit-ulit sa aking panaginip
Ika'y tumatakbo at umuukit
Sa mga panahong di mawari
Kirot ay dahan dahang pumupuslit
Sabi nga nila, anong petsa na
Bakit sa buhay ko’y wala ka pa
Kailan mo nga ba balak magpakita?
Maliit lang naman ang ating mundo
Ngunit saan ikaw tumutungo?
Ni anino mo’y di mahagilap
Minsan hindi ko alam kung guniguni ko lang
Ngunit parang ikaw ay nasa tabi ko lang
Nakikiramdam at nagmamasid
Hinihinga ang parehong hanging
Bumubuhay sa akin
Puwede bang bilisan mo?
Sa sobrang bilis ng oras
Mabagal man ang mundo
Pakiramdam ko napagiiwanan na tayo
Gusto kong tumakbo
Upang sa iyo ay mapalapit
Ngunit paano ko gagawin iyon
Kung anino mo lang ang bitbit sa dibdib
Mga matang sinusundan ako
Maging sa aking mahimbing na pagidlip
Nakakatakot maglakad at umusad palayo
Dahil maaring maling daan ang aking matahak
Ligaw na landas ang di man gustuhin bubungad sa akin
Ibang daan na hindi piling mo ang kasasadlakan
Pareho kaya tayo ng nadarama?
Ako ay naguguluhan
Pero inaasam ko ay isang matunog na sana
Sana nga pareho tayo ng nadarama
Sa isang mundo ng kawalan
Atin sanang matagpuan ang isat isa
Kalwakan ay ating sabay na tatanawin
At doon mga munting pangarap ay ating bubuuin
Sa langit man lang ay magtagpo ang ating landas
Wala mang hanggan
Ang mahalaga tayong dalawa lamang ang may alam
Sa panahong tayong dalawa lang ang mayalam
Mata lang natin ang nangungusap
Kung saan walang salita man ang mamagitan
Landas na natin ang kusang nagtatapo
Bitbit ang aking pagasa para sa ating dalawa
Sa ating nakatakdang tagpuan
Ako sa iyo ay habang buhay na maghihintay.
